نتوه
سيبني هنا أحسن
بعيد عن المولد
وقف هنا حبة
واملا عينيك مني
فيك ايه هايوحشني
حلمي كما حلمك
جرحك شبه جرحي
انت وانا زيك
طب والقلق دا منين ....!
ساعة ما اكون وحدي؟
.....
رايحين على الزحمة
والليل كابوس غامق
مش أنبيا دا احنا لو نتسخط .....احنا
مش أنبيا دا احنا
لو نتفدي ...بروحنا
وانت وانا مدبوح /حنتوه
ويزعق الملكوت بأن: "يا دا الاتنين..صدقتم الرؤيا...مافيش ونس بالليل "
.................
وسعلي من صدرك
واستنى لما ألحق
أخبي روحي معاك
وسعلي من صدرك
مش وقته نتخانق
ياااااااه فيك حاجات واجعاك.
سيبني هنا أحسن
بعيد عن المولد
وقف هنا حبة
واملا عينيك مني
حنتوه
هناك تعليقان (2):
تبدو المدونة وليدة ..
جميلة . وعندما تكبر ستصبح أجمل ..
,,,,,,,,,,,,,,
حين يضحك البحر . مجموعتي القصصية الأولى نورت المنصورة الآن بالمكتبة العصرية . اسعد برأيكم فيها ..
كل الود
لهفة لقى الحبيب لحظة وداعة مشاعر صعب وصفها رتبتها بكلام منظوم سهل الاحساس....شكرا جدا علشان سمحت لنا نشاركك الاستمتاع بمنظومة الاحساس دى
إرسال تعليق