أكتب كلام للنبي وانتي اللي تمضي عليه عزيز قوي مطلبي مافيش دموع تشريه عاشق وقلبه عطل
ولا حد جه يكريه وبسمتين يديه وطبطبة تهديه خدي الجواب وديه وانتي اللي تمضي عليه
صليت عشان النار ماهياش دور لقيتني خايف من بنات الحور صليت عشان الجنة فيها قصور لقيتني في الشهوات أبات مأسور
حبيت لقيت الحب كفاني شفت النعيم والضيق كمان فاني وبقيت أنا ونفسي موالفاني عاشق وحر॥عزيز ومتفاني
صليت على سيدي النبي وآله من غير عدد بالغنا .. والفرض .. والسنة قد الحطب مايحب مين شاله من نار جهنم يغرسه فـ جنة
صليت على سيدي النبي وآله وصل الحبيب حقه ..ماهوش منة صلاة عشيق مستني عقباله و فـ الانتظار ناقش ايديه حنة
سيدي علي طالع من الكوفة من نور عينيه الشمس مكسوفة سيفه فـ ايديه والوجهة معروفة الرب حق يبقى الشيطان باطل ماجاع فقير إلا بما واصل .. جيب الغني والقسمة مش حاصل ............وقوله كان فاصل ليه.؟ دا النصيب كتبه إله عادل
23 فبراير, 2008
نتوه
سيبني هنا أحسن
بعيد عن المولد
وقف هنا حبة
واملا عينيك مني
فيك ايه هايوحشني
حلمي كما حلمك
جرحك شبه جرحي
انت وانا زيك
طب والقلق دا منين ....!
ساعة ما اكون وحدي؟
.....
رايحين على الزحمة
والليل كابوس غامق
مش أنبيا دا احنا لو نتسخط .....احنا
مش أنبيا دا احنا
لو نتفدي ...بروحنا
وانت وانا مدبوح /حنتوه
ويزعق الملكوت بأن: "يا دا الاتنين..صدقتم الرؤيا...مافيش ونس بالليل "
بابه شهر قبطي بييجي في الخريف... وانا اسمي أمجد ورغم اني مش عجوز... إلا إني حاسس الخريف .
مش تشاؤم بس حاسه أعمل ايه يعني؟.. ممكن أكون غلطان... ياريت أكون غلطان... لا بجد أنا نفسي أطلع غلطان...! بس أقولك حاجة أنا حاسس لغاية الوقتي إني مش غلطان.
آه أنا مقاوح بس ياريتك تقنعني لإني مش عندي قوي كده... وبحب الربيع أصلا.. ده يعني عشان تبقى واخد بالك.
هو انت مالك بالــوش ده صحيح؟! باقولك ايه.. هي المدونة اسمها كده..( بــــابـــه) ماشي؟
واللي عاجبه يبقى مننا وعلينا... واللي مش عاجبه ياريته يقنعني ومن هنا لساعتها أنا بحب الخريف .... واحب أحسه... لإني مقدر جدا أي زهرة تبان فيه... وأي قمرة تطلع في ليله.... كلام كبير قوي .... بس سليم ورحمة ستي نبوية
شاعر عامية , نحات .............
أما بابه فهو شهر قبطي بييجي في الخريف... ورغم اني مش عجوز... إلا إني حاسس الخريف .
مش تشاؤم بس حاسه أعمل ايه يعني؟.. ممكن أكون غلطان... ياريت أكون غلطان... لا بجد أنا نفسي أطلع غلطان...! بس أقولك حاجة أنا حاسس لغاية الوقتي إني مش غلطان.
آه أنا مقاوح بس ياريتك تقنعني لإني مش عندي قوي كده... وبحب الربيع أصلا.. ده يعني عشان تبقى واخد بالك.
هو انت مالك بالــوش ده صحيح؟! باقولك ايه.. هي المدونة اسمها كده..( بــــابـــه) ماشي؟
واللي عاجبه يبقى مننا وعلينا... واللي مش عاجبه ياريته يقنعني ومن هنا لساعتها أنا في الخريف كالقابض على وردة من نار ...... لإني مقدر جدا أي زهرة تحاول تبان في نهاره... وأي قمرة تطلع في ليله.... كلام كبير قوي .... بس سليم ورحمة ستي نبوية
المشاركات
